LOUNGE Mop Papua ( Indonesia Bagian Timur )

[-jibrut-]

Pace : ade ko ada kacamata molo kah??
Mace : tidak ada kaka, untuk apa??
Pace : kaka mau menyelam di hatimu
Mace :


*Molo = renang/diving

 

[-jibrut-]

Mina bilang ke Joni : "Sayang, sa pu gigi ni sakit..."
Langsung joni tanya : "Mana?"

Setelah periksa sebentar Joni cium de mina pu pipi pas tempat gigi yang sakit..

Joni : "Bagaimana? Masih sakitkah, Sayang?"
Mina: "Su tra sakit malahan su sembuh, Tapi sekarang sa pu leher yang sakit." Lalu Joni cium Mina pu leher lagi...
Joni: "Su sembuh to?"
Mina: "Sayang, ko hebat smpe.. Dorang dua tidak sadar kalo mina pu nene ada perhatikan dari tadi.."

Tiba-tibe nene bilang, "Cucu, ko dapat karunia kah apa, ko hebat sampe..."

Joni : "Itu belum seberapa, Nenek..."
Nene: "Mari kalo begitu ko bisa bantu kasi sembuh nenek pu AMBEYEN kah.."

 

[-jibrut-]

Ada sepasang kekasih lagi dua duaan mesra-mesraan
Cowo tanya pada ceweknya: "Sayang kalau menurut ko, saya nih macam apa sih di hatimu??"
Cewe jawab: "Sayang ko tuh macam KUMBANG dan aku bunganya.."
Lalu cewek itu tanya bale: "Kalau aku sayang, bagimu saya ini apa???"
Lalu cowo jawab:"Sayang ko to bagiku seperti KARTU dan aku HP nya..."
Cewek bilang dengan berbunga-bunga;"So sweeeeee...............t"
Di peluk de pu cowo....
De pu cowo bilang dalam hati; "Untung ko tara tahu HP cina sekarang ada 3 isi kartu"

 

[-jibrut-]

Ada tiga orang anak kecil mo, dorang pu nama Obed, Markus deng Pilemon. Dorang tiga lagi baku debat tentang sapa pu Bapa yang paling cepat.

Markus : "Sa pu Bapa sudah paling cepat. Bapa atlit panah toooo, jadi setelah Bapa de lepas itu panah. Bapa lari dan bisa sampae lebe dolo dari pada itu panah. Bagemana, mantap tooo sa pu Bapa ..??"

Pilemon : "Ahh, itu su biasa kawan, coba ko dengar ini !! Sa pu Bapa ne seorang pemburu. Setelah Bapa tembakkan Bapa pu peluru, Bapa de lari dan bisa sampae tempo dari pada itu peluru. Mamaeee.... itu sa pu Bapa de pu cepat saja, bagaimana coba ?"

Obed : "Adoooo. sudah, ko dua pu Bapa maseh kalah cepat deng sa pu Bapa. Sa pu Bapa ne seorang pegawai tooo. Sa pu Bapa ne pung kantor pulang pukul 5 sore, tetapi de su sampe rumah nih pukul 4 sore. Cepat tooo...!!?"

Markus dengan Pilemon baku liat : "Iyooo ko Obed, ko pu Bapa palung cepat yoooo Cukardellen!!!"

Spoiler: kamus

CUKARDELLEN = brengsek / sialan bahasa halusnya

 

[_PAPSKY_]

User di-banned, maka konten otomatis dihapus.

---

User is banned, content is deleted automatically.

 

[-jibrut-]

Suatu hari obet de pulang sekolah sambil nangis- nangis ke rumah nya.....
Bapa : "Ko Kenapa??"
Obet : "ibu guru dong tuh bapa"
Bapa : "Ibu guru dong kenapa?? ko bilang cepat!!
Obet : "dong bilang mama, cantik macam bidadari"
Bapa : "bah seharusnya ko bangga dong bilang mama cantik kaya bidadari"
Obet : " Iyo...tapi masa dong bilang
BIDADARI KAWIN DENG BABI HUTAN.....tuh "
Bapa : ".......heh..!!!!! @$%$^%&^&^*

 

[-jibrut-]

OTO yang dikendarai melewati sebuah polisi tidur. Karena asyik mengobrol, sopir lupa melambatkan laju kendaraan sehingga seluruh penumpang terpental ke atas. Terutama pace yang heran dan kaget dengan kejadian itu.

“Jjjiii…. kenapa e? ko lindas sesuatu ka?”

“Aaahh, itu polisi tidur saja, trapapa”

“Jjjiiii, kenapa tidur di jalan? Eh anak, kasih bangun sudah mungkin dia mabo”

 

[-jibrut-]

Tiba di rumah anaknya, tete (panggilan untuk kakek) bercengkerama dengan cucunya. Su lama pace tra bertemu jadi melepas kangen sambil bercerita di teras rumah.

“Tete, sa pijit kaki tete boleh? Pasti Tete capek to”

“Tuhaaaree, cucu tete baik sekali ee.”

“Kata pace, dulu tete sering merantau ka?”

“Iyo, itu sudah”

“Baru, tete pu kaki ini sudah injak tanah mana?”

“Adoooh, banyak”

“Sumatera sudah ka?”

“Sumatera tete su injak”

“Jawa?”

“Ah itu sering”

“Baru, Bali?”

“Bali sudah”

“Kalimantan?”

“Adooh, ko cerewet memang. Kalimantan juga sudah, Sulawesi, Ambon, sampeeee Flores sudah tete injak.”

“Baru yang belum pernah tete injak?”

“Yang tete belum pernah injak, batang ko pu leher!!!”

 

[bewok_]

Selamat siang pace, sa datang singgah dulu kemari

 

[-jibrut-]

Yaklep dapat surat cinta dari Mince. Tapi karena de buta huruf, de suruh Enos yang baca. Enos abis baca Enos angkat:

Enos: "Mamayoo Yaklep, de bilang I L0VE Y0U!!"

Yaklep: "De pu arti apa?"

Enos: "De maki ko ini sobat!"

Yaklep kecewa.

Malam begini Yaklep mabuk hancur baru berteriak di Mince pu depan rumah:

"Minceeeeeeeeee I L0VE Y0U ko juga!!!"

Mince malu-malu senang baru bilang: "Ae, kaka Yaklep kah? Jang keras-keras nanti sa mama dengar!" (sambil malu)

Yaklep langsung angkat: "Aaaaahh, deng ko pu mama juga I L0VE Y0U kam dua!!"

 

[-jibrut-]

Satu remaja ni dia pu nama SEPNA, dia lagi mengadu sama dia pu mama, tentang dia pu kehamilan..

Sepna : “Maaaaa… sa mo bilang sesuatu… tapi mama jangan marah sa e??!”

Mama : “Yo’ kas tau sudah, ko mo bilang apa kaaa?”

Kemudian Sepna peluk dia pu mama sambil dengan nada pelan dan takut-takut, dia atur dia pu kata-kata,

Sepna : “Ma, sepertinya, Sepna hamil ma..”

Mama : “Apaaaaa!!!… ko bilang apa?, ko stop bicara sudah…”

Sepna : “Sepna minta maaf ma…. mama ko jang marah kaaa?”

Dia pu mama diam sebentar, trus sambung lagi.

Mama : “Mungkin ko kecapean tu, ko pigi istirahat, tidur sudah… ”

Sepna : “Tapi akhir-akhir ini Sepna, mual-mual terus maaa…???”

Mama : “Ahh… paling ko masuk angin kapa.. Ini mama kasi uang ko pake beli minyak kayu putih , ko gosok ko pu perut baru ko pi tidur sudah, besok pagi, pasti ko badan su enak…”

Sepna bukan tambah tenang, tapi dia malah menangis..

Sepna : “Ghiii… hi.. hiiii.. hiii.. hiks…, Maaa… Sepna tra masuk angin, sekarang ini Sepna bawaannya mo makan yang asam-asam terus, maaa…”

Mama : “Akkhhhh…. ko pu sariawan yang bikin ko begitu… makannya, jadi orang tu jang terlalu rakus.”

Sepna : “MAAAA…. Tolong kah, Ma, kali ini Sepna tra tipu, mama kenapa tra pernah mo percaya Sepna kaaaa?????”

Mama : “SEPNAAAAAAAAAA… Ko STOP bicara sudah! OTAK MATI… BANCI tu trada RAHIM, jadi ko STOP menghayal!!!!!!!!!!,, Ko bicara satu kali lagi, blanga-blanga ini pica di ko pu kepala…. Tidur sana KASKADO nih….”

*Kaskado = penyakit kulit
*Blanga - blanga = dipukul

 

[-jibrut-]

Satu kali semut gigit Tete Pu "barang" bengkak jadi Nene bilang:

"Tete dari tong dua kimpoi sampe dapat cucu-cucu ini baru sa rasa ko pung barang besar... Sampe sa senang o..o.. Ko bungkus ka?"

Tete jawab: "Bungkus apa, tadi sa cabut-cabut rumput di kebun baru semut gigit jadi bengkak!"

Nene senyum baru bisik tete pu telinga: "Lain kali kalo mo main ko kasih lebah yang gigit...e...!!"

Spoiler: Fyi

Bungkus = memperbesar alat vital dgn daun khas papua

 

[-jibrut-]

Suatu hari Ongen dari Papua pulang ke Ambon. Dia jalan-jalan ke Petrus pung rumah. Dia lihat Petrus pung kucing paling bagus ee...
Lalu Ongen tanya : "Petrus, ale pung kucing bagus ee... pung nama sapa le..?"
Petrus jawab: "pung Nama Purnama Utaminingsih Setiawati Susnaminati.."
Ongen: : "Tuangala petrus ee, nama pung panjang lawang, tarus panggil akang sapa le...?"
Petrus: "Singkat za, panggil...'PUSS' towh...?"

 

[-jibrut-]

Yaklep su rasa stress, karena, kalau lia orang sedikit kabur atau tra jelas, karena dia pu mata su rusak, makanya dia pergi ke optic mo beli kacamata.

Pelayan : "Siang pace, ada yang bisa di bantu?"
Yaklep: "sa pu mata su rusak, coba ko cari kaca mata yang pas kah... Pelayan : "pace so pernah pake kacamata kah?"
Yaklep: "Ohh..belum...."
Pelayan : "Kalu bagitu torang periksa dulu. Mari Pace, torang ke tampa periksa."
Pelayan : "Pace, ini huruf apa?" (sambil tunjuk tu huruf yang sediki basar)
Yaklep: "aduh ee tra jelas..."
Pelayan : "Kalu huruf ini?" (Sambil tunjuk huruf yang lebih basar)
Yaklep : "Masih kurang jelas..."
Pelayan : "aduh.. pace ini sudah huruf yang paling besar. Coba lihat lagi huruf apa ini?" (sambil tunjung huruf yang basarnya sama deng piring)
Yaklep: "Sama saja...masih tra jelas"
Pelayan : (sambil garu-garu kapala karena bingung) "Kenapa dari tadi pace ko bilang tra jelas terus, baru bagaimana ini?
Yaklep: "habis, sa tra pernah sekolah jadi, bagaimana sa mau tau itu huruf apa...?"

 

[-jibrut-]

Yaklep bagatal liat peremuan cantik trus dia bilang, "Ade sa cubit ko pu pipi sekaliiii saja, nanti sa kase ko satu juta rupiah,"

Tadinya si perempuan marah, tapi stelah pikir-pikir cari uang di jaman skarang susah, skali cubit apalah artinya. "Sa mau tapi kitong sambunyi di balik pohon ehh" kata si perempuan.

Pas di bawah pohon begini pipi halus itu diberikan, namun sekian waktu pipi mulus itu hanya dibelai-belai. "Ihhhh Capat Sudah!" desaknya.

"Aduh ade sa tra bisa," jawab Yaklep sambil matanya merem-merem.

"Lho Knapa" tanya si Perempuan. "Sory Sa Lagi Tra Punya Uang,"

Perem: "Ahhhhhh!!!???"

 

[Necropolis]

User di-banned, maka konten otomatis dihapus.

---

User is banned, content is deleted automatically.

 

[-jibrut-]

“Ada satu kelompok mahasiswa dong penelitian tentang katak. Jadi pas hari penelitian, bahan semua su disiapkan peserta semua su hadir, dong mulai penelitian,
Tes 1: dong potong katak pu tangan kiri, trus dong suruh katak lompat, katak lompat, tes 1 sukses.
Tes 2: dong potong katak pu tangan kanan, trus dong suruh katak lompat, katak lompat, tes 2 sukses.
Tes 3: dong potong katak pu kaki kiri, trus dong suruh katak lompat, katak lompat, tes 3 sukses.
Tes 4: dong potong katak pu kaki kanan, trus dong suruh katak lompat, katak tra lompat.

Maka dong pu kelompok mengambil kesimpulan: ketika semua tangan dan kaki katak dipotong maka katak menjadi TULI.”

 

[-jibrut-]

“Satu kali begini, Yaklep dengan Enos otak su mati jadi dorang dua mo pencuri di Bapa Pendeta Markus pu rumah.
Abis Pencuri Yaklep de tanya Enos: "Enos ko ambil barang apa saja?"
Enos: "TV dan hape to, kalo ko?"
Yaklep: "Sa ambil bapa Markus pu sendal saja.."
Enos: "Bah, ko bodok sampe, ko kenapa cuma ambil sendal?"
Yaklep: "Ko yang bodok, sa ambil de pu sendal biar de tra bisa kejar tong dua to…"

 

[-jibrut-]

Satu kali ini , de pe cucu tanya ke tete: "Tete ni tiap kali panggil nene selalu deng panggilan darling, sayang, honey. Darling su makan? Sayang kopi mana? Honey mo ikut? Tete ni paleng romantis sampeee eeee... de pu rahasia apa ka tete?"
Tete de panggil cucunya lalu berkata "Ssstttt mari kasini tete ada mau ba bisik², ko jang bilang² sama nene nanti e?"
Cucu : "Kenapa jadi Tete?"
Tete de bilang dengan cucunya "Tete su lupa deng Nene pu nama ..."

 

[-jibrut-]

Ada Napi satu pu nama Yoce dari Biak yang tra tembus Angkatan laut jadi dia protes ke panitia penerimaan.

Yoce : "Wee... kam ini bagaimana? Kenapa saya tidak tembus ka?"

Panitia berkata : "Anda tidak lolos karena tidak tahu berenang !!"

Napi dia marah baru dia bilang, "Yoksna.. See saya pu teman Titus saja tembus Angkatan Udara padahal dia tra bisa terbang... Kamu stop tipu sudah yoo..!!!"